Isagoo ka dabaakhtamaya hanjabaado badan oo kasoo yeedhay cadowga ummadda Soomaaliyeed 

ayuu abwaanku gabaygan tiriyey.  Wuxuu yidhi:

- Nin gumaysi raaciyo Axmaar, gacantii mooyaane

- Soomaaliga gobta ah awgayoow, looma goodiya e

- Godobtiisa maqan waa ogyahay, goor iyo ayaane

- Gallad weeye diintuye xaquu, garab istaagaaye

- Geerida ma diidiyo dagaal, galay shinkiisiiye

- Goonyaha ma dayo maalinkay, dhimasho gaadhaaye

- Gardarrana ma qaatiyo xumaan, guudka loo sudho e

- Gurey iyo sidii Sayidkii buu, gama'a diidaaye

- Gayigiisa hooyiyo dhulkuu, nacab ka guulaaye

- Calankaa aan midab guurin buu, gaadhka ka hayaaye

- Shanta cadowgu kala gooyey buu, goobayaa wali e 

- Dikhil iyo Gabbood waa horrey, gacashi waayeene

- Waa inuu Galbeed soo ceshiyo, Gaaris oo xora e

- Guul iyo midnimo waa in uu, glab ku faanaaye.

Fure:

Dikhil: waa magaalo Dalka Jabbuuti ku taalla

Gabbood: waa xaafad ama xabsi ku yaalla magaalada Jabbuti

Gaaris: Magaala Madaxda NFD