Wuxuu Maxamed [Stanza] maansadan tiriyey taariikh  August 22, 2003.  Wuxuuna ku 

ammaanayaa gabdhaha Soomaaliyeed xusayaana doorka ay ka qaataan ama ka 

qaateen gobannimadoonka dalka.  Wuxuu maansadan u bixiyey abwaanku Gobsanaa 

Gabdhahayagu:

·        Gobsanaa gabdhahayagu

·        gaalada ma raacaan

·        gumeystaha ma yeelaan

·        kuwa gunnada qaatee

·        heybaddooda gabayana

·        gogol kulama seexdaan

·        guri kalama toosaan

·        gacal kuma yidhaahdaan

·        gacan kuma salaamaan

·        ubad lama gardaadshaan

·        guur lama wadaagaan

·        iney geyn karaan iyo

·        gayaan uma maleeyaan

·        giddi wey huruufaan

·        kuwa gabay naftoodii

·        iyo gaal u dabadhilif.

·        Geesigiyo halyeeygiyo

·        gabyaagiyo nindoorkana

·        gallin qura ma ciilaan

·        marka laisku go'ayee

·        weerar lagu gawaarsado

·        iyo guluf-colaadeed

·        iney garab na siiyaan

·        nala geeriyoodaan

·        gobonimo u diriraan

·        waa gad lagu gartaayoo

·        gabdhaheennaa caan ku ah

·        Gaarinimiyo garashiyo

·        gacal sooriddiisii

·        iyo edabta gaarka ah

·        rag u gogoldhiggiisii

·        deymo Geeny-ifaras iyo

·        garaaraha gacmaha dhilan

·        timo garabka dhaafeen

·        gardho ay dabeyluhu

·        kolba gees u liicshaan

·        iyo midab guduud ohoo

·        aan salguurin waligii

·        gabdha wada casaan ohoo

·        afku gorad-madoow yahay

·        goombaar aheynoo

·        xishood lagu gadaamoo

·        hiddaha aan gaboodfalin

·        gayigeenna mooyee

·        goob laga helaa maleh

·        ninkii guur u jeedoow

·        bal garwaaqso weedhaa

·        gabyaagii Stanza

·        uu nagu guubaabiyay.