|
Qablan oo afhayeen u ahaa Boqortooyadii Ogaadeenka ee saldhigeedu ahaa Doollo iyo
Ciid ayaa gabaygan u tiriyey Iidoor oo markaa Ingiriisku gaashaan u
yahay geelana u daajiyo una ilaaliyo, Iidoorkuna
Ingiriiska u gubo una guro dhuxusha Galoolka oo ay maraakiibtu
xilligaa ku shaqayn jirtay. Xilligaa Soomaalida dhinacan degta
waxay u qeybsanayd isuna yaqaaneen Dir iyo Darood, laakiin
markii Ingiriiskii dhulka soo galay ayey Isaaq waxay isugu yeedheen
Durriyad. Af-hayeenku durriyaddan la sheegayana meeshay ka timid
ayuu la amakaagsan yahay. Wuxuu yidhi isagoo markaa iyada ah
Wardheer joogay:
-
Taariikhda duuga ah markaan, dib
uga faaloono
-
Diiwaanka waxa kuugu yaal waa, Dir
baa nahaye
-
Maantana Durriyad baan nahay, baad
nagula doodeene
-
Hadba inaad dad noo sheegataan, waa
dayuusnimo e
-
Adoo aabahaa diidan baad,
dooni ruux kale e
-
Duqii idin dhalay baad meel cidla
ah, kaga dareerteene
-
Waa dagalaydaydii wuxuu, gaalku
soo dagaye
-
Adiguna dilaal baad ahayd, daa’in
abidkaaye
-
Dooxada Hargaysiyo Burcaba, waa
anigii dagaye
-
Damaashaadka waataan ku maray,
labada daamoode
-
Daqsi iyo siddii koronkoro unbaad,
darayga tiileene
-
Dubaaxda iyo ammaanka iyo mudkiyo, daribta geeliina
-
Dugaaga iyo haadkii cunaa, noo
ducayn jiraye
-
Daadxoorta waa tii lafuhu, dibada
yaalaane
-
Lafa-Ruug dabkaan kugu shidiyo,
digadii baa taale
-
Deyr adag intii loo dhigay baan,
doonay kii hadhaye
-
Sango duubi weyn iyo darmaan,
orodka sii daysa
-
Dabra celinta waatay farduhu, idin
dul joogeene
-
Idinkoon dagaal hidin karayn,
dumarna aan dhaamin
-
Waa tay Dabacayuunow lahayd, maygu
dirirtaane
-
Duqaydiinu way wada ogtahay,
dibirtii Maal-Gooye
-
Indha-Badane dool laguma helin,
daaqsin iyo ceele
-
Duq iyo doonba waw wada dhanaa,
doxorka Iidoore
-
Allaba waa dagaal aad gashiyo,
dirir is qaankeede
-
Danaakiriyo Ciisaad baqihii, dacal
ku dhaafteene
-
Dibna looma arag xoolo aad, dibad
ku raacdeene
-
Waa taad durduradii Badweyn, doon
ku gudubteene
-
Indha-Badan, Abti-Badan, raggii
kugu dirqiyey, baad u duurxuliye
-
Iidoor duliga gaadhay iyo,
dakharadaan gaystay
-
Waa waxay adhxaha daacsan iyo, dari
la yeesheene
|