|
Waxaan boggan kusoo gudbinaynaa dhawr gabay oo aan
wada dhannayn oo uu tiriyey abwaan Cali-nuur Muxumed Gaas.
Cali-nuur waa gabayaa culus oo tixihiisu hal-kudheg soocan yihiin.
Nin sabool ah iyo awrba way sahal
dhaqaaqaane, labadaba hadaan seeto celin, socod ma daayaane iyo waan
guursan iyo waan guuri goorwalbaba taagan, xaggay gabadhu iman waa
kanoo gacalkii eedoowye; bal aad ugu fiirso.
Bahda doollo.com uruurinta gabayada
Cali-nuur ayey in muddo ahba ku jirtay, waxaana hadda uun suuragalay
inaan isu keeno dhawrkan gabay oo aan mid walba in yar uun ka helnay.
Taariikhda gabayada iyo dhamaystirkooduba waa hawl inoo dhaxaysa ee
haddii aad hayso ama aad og tahay meel laga heli karo, fadlan nagala
soo xidhiidh
mail@doollo.com.
Waxaa gabayadan soo uruuriyey oo siku soo dubbariday
Cabdi Xiis Udan. Akhris wanaagsan.
Liibaanta iyo hoogu waa, labada
maalmoode
Lurka iyo nacfigu waa, laydha
galabbeede
Adoo xalayta laday caawa, waad laba
lagdaysaaye
Nin sariir ku laameedhsadaa, liicid
wow halise
Waa wuxuu Fircoon ugu lugo’ay,
laantii uu koraye
Nabi Muxamed kii laga fadilay, waa la
oofsadaye
Lixdan iyo markuu saa’id jiray,
lagama laabteene
Labood buu dhalaa sicii nin, lihi ka
seexdaaye
Laantaad hortii waabataa, laamadoodsi
lehe
Nin yaraan ku loofaray wuxuu, lumiyay
raacdeeye
Maxamedoow sifaha maansadiyo, sawd
kii aayaraye
Waataan saraar gudhay sidii, sacaan
irmaanaynee
Saqiirka iyo maangaabku way, igu
saluugeene
Ruuxiise saaxibul caqliyi, kama
siloonayne
Abaar siman dhulkoon saaclahayn,
soora laga waayey
Sacleey hadii aadan ahayn, adhigu waa
saad e
Amase ayna seenyo iyo idiin, sabada
kuu joogin
Sokeeyaha intaad ladan tahaad, sama
wadaagtaane
Marhadii siraad kugu balbalo, malihid
saaxiibe
Adigoo surquun qaba biyaha, kuguma
saydhaane
Suuyahay dayaay iyo maadsi bay, kaaga
dhigi soore
Sicii miirtii waakay gudhee, sii
dayaan ahaye
Haddaan sararta eygaasi wadan, sowd
ma celiyeene
Hadba sarinta ii muuqaataan, sin u
jaleecaaye
Nin sabool ah iyo awrba way, sahal
dhaqaaqaane
Labadaba hadaan seeto celin, socod ma
daayaane
Ana sahayda inaan qaato iyo, socodku
waa daw e
Salaama iyo waa nabadgalyee, saa hala
ogaado
Gugan da’ay waxaa Maxamedoow, gooyay
hilibkayga
Gangankiyo madawgiyo waxaa, gibilka
ii yeelay
Goobtaan fadhiistaba waxaan, godod u
meegaari
Waxa guuta guutada shirkiyo, gaaska
iga reebay
Gacmo madhan xil fuulaan arkoon, soo
garwaaqsadaye
Kol uun baan gaddaydii ku dari, awr
gulgula wayne
Kol uun baan martida soo gab tidhi,
galax dhanaan siine
Kol uun baan galshada Eebahay, giib
la iidariye
Kol uun baan barkimo giigsaniyo,
gaariday heliye
Kol uun baan nin kii iga gabbada, ii
gunuuniciye
Kol uun baan nin kii ii galoow, gudi
abaalkaaye
Qurbac hooyadii dhimatayoo, xalayto
ii heesay
Oo igu haloomsiyay anoo, heero kale
jooga
Ninkii hadalladuu yidhi maqlaa, wuu
hinganayaaye
Wuxuu yidhi hoheey maad xirsiga,
haatan iga daysid
Waxaan idhi maxaad heli hadaan, kaa
hilbo adkaysto
Wuxuu yidhi halkaygaan ku sugi, naas
habeed badane
Waxaan idhi hunguri waa wixii,
hooyadaa dilay e
Wuxuu yidhi hanaad baad tahaye, ma ay
habowdeene
Waxaan idhi hortayduu ku dilay, mowd
habaar qaba e
Wuxuu yidhi war sow tolkaa, halana
muu haysan
Waxaan idhi hantiyi waa nin lehoo,
waanan ka helayne
Wuxuu yidhi war sow kumaadan hoyan,
haybta Magan sheegta
Waxaan idhi dadkaa igu hafraye, waan
ka soo hadhaye
Awoowoow dhaqaaqdaye hadaad, saaka
naga dhoofto
Baabuurkan dhaylayn haduu, kula
dhawaateeyo
Biro laysku dhaabiyo alwaax dhigan,
hadaad raacdo
Haka dhicin nin kii dheeliyaa,
dhimasho weeyaane
Dhanna ha u liicin guradiisa waa,
lagu dhawaadaaye
Hadii aad dhul kii nabad tagtiyo,
dhagaxa Ceelxaara
Dhammaan reerihii igu salaam, ma aha
dheeldheele
Dhashii Muxumed-gaas waxaad tidhaah,
dhimirra laawooyin
Dhagax iyo sidii geed ingagay, dhaga
adkaadooyin
Waakii inoo dhaamin jiray, dhamacda
jiilaale
Dhafandhoofka guuraha wax badan,
dhiiranaan socoye
Dheeraad badhkiin baa lahaa, waadse
dhagarteene
Inaan dhabarka xaabada ku guro,
waysku dhibayaaye
Dhuuxaa madaw inuu yahay baddii,
dhaadhacsii nimanka
Xamar dhalasho noogama horrayn, cid
aanu dhawraaye
Dhawr kii wan loxos kiiba way, naga
dhamaadeene
Ka soo dhoofay gabadhii axadiga,
dhigani noo yiile
Dhayal ma aha wiil aadan, arag
dhalashadiisiiye
Ana dhawr sabaan maanan arag, dhaban
wadaad leeye
In xaas kaygii dhiibaal ku jiro,
dhaadhacsii nimanka
Qurbac yahow hadaan kuu waramo, ima
qaniinteene
Qalka kama tufteen caanahaan, qaado
leeyahaye
Illaahii wax qayb qaybin jiray, kuuma
qiil le’e
Kol uu adiga qow kaa ridoo, nolosha
kaa qaado
Ku qabow wuxuu Eebahay, kuu qoraad
heliye
Ragankada ableeydiyo dabkiyo,
uustarada haysta
Ee kala ufoonay a ee, kala al-oolaysan
Nin waliba ina-adeerkii ayuu, eega
leeyahay e
Eel kaana naagaa dhigiyo, aahadoo
idil e
Ushaa loo ruxaa naag haday, ooridaa
tahaye
Adigoo umashan baa laga baxaa, oynan
ku ogayne
Allaahu akbar yaa sidii, oday la
taahaaye
Awoodeeda naag lagu fasaxay, waaba la
ogaane
Arqab iyo xigaal iyo tolbay, kaa
agdaydayiye
Meel aan Islaam joogin bay, kula
abbaartaaye
Midkii uurka kula jiifsaday, kaa
igdhahayaane
Midkii ina-adeerkaa ah bay, amar la
laacdaaye
Ushaa loo ruxaa naag haday, ooridaa
tahay e
Adigoo umashan baa laga baxaa, oynan
ku ogayne
Allaahu akbar yaa sidii, oday la
taahaaye
Awoodeeda naag lagu fasaxay, waaba la
ogaane
Hayin aada qaar baa ahoo, haamo
daadsha ahe
Qaarbay sidii faras hayin ah, haga
hageeyaane
Intay idinka idin haynayeen, hoogba
ma ahayne
War maad hooy tidhaahdaan ragbay,
horari doonaane
Axmadoow kacaantaye hadaad, kor u
hayaamayso
Kudaagii xumaa iyo hadaad, koorre
nabad gaadho
Adigu soo kacdaa iyo qalyare, soo
kalihisaaba
War intaanan soo kicin ii keen,
koorihii faraska
Kuman aabo kumannaan awoow, kuman
ayeeyooyin
Abtirkeenu meeshuu mariyo, Xaawo iyo
Aadan
Istalaab caruur lagu sharixi, waa
inoo ugub e
Afrikaa iigu filan gaal haduu, aayo
leeyahay e
Asagoo cirbiid loo ritiga cududu
waynaatay
Asagoon cabaadayn hadii ciida lagu
miiso
Waan guursan iyo waan guuri,
goorwalbaba taagan
Xaggay gabadhu iman waa kanoo,
gacalkii eedoowye
Geeljiroow ninkii waafiyaa, laga
sugaa weedhe
Walbahaarka caawa i hayee, wahantay
laabtaydu
War ninkii war iga donayoow, waa war
li’idaaye
Waayahan asluub iyo ma arag,
waydodaan jiraye
Alloow yaa Wardheer iigu kaca, waaga
barigiisa
Alloow yaa wadada Toomo iyo, waraq ku
raad gooya
Alloow yaa waaxba waax ii jaroo,
wiillal iga yeela
|