• Awal hore inaan gabay tirshiyo, godob ma doonayne

• Gadaafa iyo cay ma rabin, gaadha aadmiga e

• Soomaali gabigeed ma rabin, waxaan u gaystaaye

• Gurgurshaa hayinahaan ahaa, laguna guuraaye

• Gudoomiye uruurshaan rabaa, hawsha guudnima e

• Gobonimo u dirir baan ahaa, gaala daafaca e

• Inaan Xabashi gooyaan jeclaa, Guray sidiisiiye

• Guul iyo barwaaqaan rabaa, ehelka gaadhsiiye

• Gol-duulaan ku maal baan lahaa, geel ku dayr dhalaye

• Kol hadii dadkii gugu u da’ay, gamashi kaynaanay

• Waxaan galo waxaan gudo hadii, layla garan waayey

• Ana inaan guntiga nuujistaa, igu gar weeyaane

• Maxaa golahan ceebeed i dhigay, ma li’i gaadiide

• Gardaro iyo is yeelyeel ma jiro, ruux ku galayaaye

• Ninna uma gigsado leeda fuul, sida gammaankiiye

• Gabasho iyo wax badan baan ku jiray, inaan is gaabshaaye

• Garba duub maxaa ii xidhxidhay, gibilka maan tuuro

• Maan guusha Eebaa hayee, nabada geed saaro

• Isagaa i garab siine maan, geesinimo yeesho

• Giiryaale fulayaan ahee, gacanta maan qaado

• Amba gacashi laygama rabee, maan afraha gooyo

• Geeska Afrikaad maan xumaan, ugu garaar daayo

• Inta aniga lay kala gorgorin, goolka maan dhaliyo

• Oo garoon lagu ciyaaraan noqdee, golayga maan diido

• Gacmaha iyo lugahaygii buu, qaarba gees dagaye

• Intaan gudub u kala aalo maan, meel isugu gaysto

• Maan garashadayda iyo caqliga, ehelka guubaabsho

• Gaajo iyo maxaa caydh i baday, gorofta maan tuuro

·        Gafuur tuurkii baa nagu bate, maa lakala guuro

• Gashigayga baaqday iyo intaan, godobta raadcaysto

• Gafka nagu dhacaaya iyo bal maan, diido gacan dhaafka

• Oo maan aduunyadan rag gubay dumiyo geestayda

• Gaandi iyo sidii Kimil Sool, garasho maan yeesho

• Kolay guri dugsoon kuma jiree, gama’a maan diido

• Gacandhi iyo intaan ciid ku shubo, gogosha maan laabo

• Gabalkay miyaa dhacay maxaan, hawl la gudan waayay?

• Intaan goroda laalaadin maan, giirka kor u qaado

• Ninana iima goodiyi karee, ganafka maan taago

• Raggaan giriftamaynaa haduu, iga gol roonaado

• Gayigayga hawdka ah intaan, galo dhufayskiisa

• Gammuun iyo falaadh iyo intaan, gammas mariidaysto

• Garanuugta maan weheshadiyo, goodirada hawdka

• Maan gooradhuubiyo ulaag, garriga weeteeyo

• Wiyishaa gadooday iyo sangaha, geeska maan jabiyo

• Gu’baas jiraye maan dhimasha xigo, geeridaa wacane

• Asaagay siday ii gartaan, gumaca maan qaato

• Oo maan waqti baa ila gudbane, dib u galaal xooro