Jiilaal Maqaafa abaar laysku, mohan waayey

Alla soo cirkoo murugsanaa, meelo kama hooro

Oo soo masaafiyo kob dheer, mayey ma qaadsiiyo

Minankii halloo furo haddii, meel laysugu keeno

Oo soo maroog laguma rogo, meyle luquntiisa

Minka reerka oo wada maljadan, meel ma soo ju’isey

Dhurbadii marrayd iyo markaa, kabadi maw miistay

Siddeed miiciyood oo udbo aha, ma isku misaantay

Mudka cayn ma kaga jiiday iyo, maydhaqa hortiisa

Sida cadaw aad kala maarantaan, muruqa maw kuustay

Dhigta madaxa qabo oo xadhkaha, meeshan ku adkeyso

Midkan saar dheriga oo caaradka, u meel day

Manfacaan cuneyniyo wixii, maqal adduunyaada

Masakiin caruur iyo markuu, maadhka wada qaado

Muusanowga suulkiyo faraha, ma uga miidaartay

Miisaan kaciisana qalbiga, mawga muxubbootay

Ma hingaday hi’duu yidhi sidii, haadda ma duulay

Sidi neef maroodiya markuu, cagaha miisaanshay

Ma ku mariyey meel lahayd, maanta degi meysid

Minja dhuubanow adhi miyaad, maalinta odhani

Murqa kuusanow dibi miyuu, midhifna kuu qaadi

War wax lagu masaalaa ma jiro, magaca xoolaade

Yaa muran ka qaba xaajo waa, la isla meershaaye