Ingiriis qabkiyo baanihii, wuu qalmahayaaye

Daarood unbuu qaxar badaye, qaaday dunidiiye

Kuwii qeyro dhaafay haday, qoomamo hayaane

Qabowga iyo nabaduu jeclaa, yaa la qoonsadaye

Qaribaada duulkii lahaa, qado mahaystaane

Waa qaran bax gaalada ninkii, ugu quwad roonaaye

Jarmalkii qasaaraha jeclaa, qaaday dunidiiye

Ka quusay qooriga Suweys, qabashadiise

Maraakiib qafilan baa badweyn, looga soo qaxaye

Qabro sheegadkii lawaa, loo qodhlayn jiraye

Raaciyo haddey qaabileen, qalab la’aaneede

Qabkii Musaliini ha gudhee, qaaliga ahaaye

Qalalaasihii lagu dhigeey, qabaxdi raaceene

Faransiis ma qaalana siddii, Paris loo qodaye

Quruumaha hortooduu ayaan, qubay silaaxiiye

Waxaan qolada siinka leh ahayn, qaran ka duugowye

Qeyrada Islaam marbaa, qeyr usoo dagiye

Qoladaa ku jira Eebaheey, hayna qaalibe e