Anagu gaaniyow gacalka dhacan, waaka gubanaaye
      Gankaa naga xanuunsada waxii, gaadha Reer Hagare'e
      Gadhka iyo wadnaha buu nagaga yaal, gabiga Daaroode'e

      Uma gabayno maantuu Islaan, gaalku weeraro e

      Adigana ninkii geed mudaa, waa gu' kuu da'aye
      Galow-kiciye maantuu lafaha, ina garaacaayey

      Gulgulaha hinjiinka ah markuu, kaga gig siinaayey

      Gabla yey lahaayeen markuu, inagu guubaabshay
      Gamaasayrankeedii markuu, gooni cararaayey

      Ee maraga goobtii ka dhacay, gerab ekaanaayey

      Galamada iyo eeriga markii, lagu gujeenaayey
      Ee goodirkii dhalay ilmada, gabax ka siinaayey

      Ma geyo ee hilbowluhu markuu, gacan togleynaayey

      Ee lagu gadaanaa marbaan, go' ilahaa ciile
      Ninse god dheer walaalkiis u qoday, gelina mooyaane
      Warsow adiga kugu soo gotaa, gamas colaadeedku