|
|
|
- Olalaha Bush wado weeraarkaa, loo ayaan tiriyey
- Askar iyo waxaa aalad badan, Carab ku sii aadan
- Abxadaha waxaan hore la arag, uuradiyo qiiqa
- Ha unkado cirkoon roob ka iman, ololka baaruude
- Wax Maraykan eebiyo gantaal, meel ku ururshay
- Iskuulada Baqdaad iyo Basriyo, udubadaa Mousal
- Ku afuuf dheh aayaha danbaad, eedi taladaase
- Aqallada burburi reerahaas, kaama agalin eede
- Eeqadoodu meeshay ku geyn, la arki dooneeye
- Naga awdan umulkaad Iraaq, u ajaleysaaye
- Saddaam iyo hadday aabahaa, eedi kala gaadhaay
- Ood aarsi doontaa dakano, uurka miraneysa
- Inta kale maxay eersadeen, suuqda olalaysa?
- Oil iyo hadduu yahay batrool, waxaad u aanaysan
- Iyaguba anfaco waa rabaan, aayo nololeede
- Inay adiga oo kale yihiin, taana ma illowdey?
- Ugub ma aha aadane kibroo, eerigoo maraye
- Nin awood leh waa la ogaa, uun kale maage
- Gardarradu dabkay oogto
ay, dunida aafeyso
- Ninkii ololshay bay aakhirkii, adhaxda gooysaaye
- Hitleer eedyey kibirkii ahaa, Yurub addoomeeye
- Ururiyo dadkiisi ayiday, aarmigiyo xoogii
- Hadduu aashi daadihin lahaa, kama ilduufteene
- Arki waaga uunkii kaluu, waagi eersadaye
- Isticmaar haddii lagu aflixi, reera la afduubo
- Ingiriis Imbeeyr iyo wuxuu, ood walbaba gaadhay
- Afrikiyo waxay Eeshiyiyo, Carab ajiibaanba
- Ololaha xornimo doonayiyo, aaya-talintooda
- U adkeysan waa weerakii, oofta loo dhigaye
- Ku soo ururyey dhawrkaa irdood, agabta taallaaye
- Asaraarka Ina Bush
wadiyo, amar ku taagleynta
- Aflagaado ruuxaan ayidin, eed dusha u saarka
- Ummadaha midoobiyo sharcigi, oolley ka abraarka
- U eg dhaqankii uunkaan xusniyo, eed wadkeed galaye
- Afraqaadka meeshuu ku intihoon, la arki dooneeye
- Ummadaha rogmada qaar kaley, tahay ayaankoode
- Markay Carabi uduluubayaan, farax Israiile
- Shacabkaa la idhan goonayeen, ehel wadaagaane
- Falastiinba waa tii ayaan, oodda loo rogaye
- Mindiyaha waxaa loo afeyn, waa intii hadhaye
- Dad Ilaahay rogayaan anficin, waano aw yidhi e
- Inay ul iyo diirkeed noqdaan, odey Carbeed diidye
- Sidii araddi lala guursadey, xin isu eegtaane
- Ihaanada ma qaateen hadday, aarsan karayaane
- Aamusnida waxaa oogu wacan, waa addoonimo e
- Gunbay tahay abaablkeed sidaa, loo agmarayaaye
- Balaan aragno uunkaa runduda, aaya xumidooda
|
|
|