Cali-dhuux Aadan Goroyo oo ka horyimid halgankii Daraawiishta, Sayidkana ay dhawr goor isu gabyeen ayuu Sayidku gabaygan hoose u mariyey.  Gabay faan ah oo dhinaca Cali-dhuux laga keenay isagoo tixraacaya ayuu Sayidku wuxuu yidhi:

• Wiilyahow shareecadu midkay, shuuftay baad tahaye

• Shiqiyahow waxaa lagugu nacay, sheeka xumadiiye

• Shaqfad li'idu waa waxaad u tidhi, shuun saraan ahaye

• Adoon shaato kaa foofahayn, sharaf ma laacdeene

• Iidoorka kaa sheexayana, uma sharaaddeene

• Soomaali waa midaan shidiyo midaan shiddeeyaaye

• Adiguna Shirshooraad u tahay, shirada maantaaye

• Shiil baan wadnaha kuugu ridi, shuuqda weligeede

• Inaan sheemo weerarana waa, shuqul falaadkay e

• Inkastoo shareer lagu wadiyo, shucubadii Hawdka

• Shaanshaanka buuraha haddii, sheedda laga saaro

• Shifa ma laha geelaan nin lihi, ila shaqaynayne

• Maxaa haatan laga sheelayaa, saadambaan shabine