Gabaygii 1aad ee Banfis

• Raxan raadka waxa iigu wacan, rixinka Somaale
• Raxmaad da'ay ramaas iyo xareed, rayska iyo baadka
• Ramadkaygi dhalay caanihii, ruuxna dayi waayey
• Raaxo lagu nagaadiyo nimcada, lagu riyaaqaayo
• Gobonimo lasoo roornay oo, weydinkii raqaye
• Ee subagii raarnaa guryaha, Roma loo dirayey
• Aadan iyo Risaaq waatay, naga rakiigeene
• Xamar raatub oon liicin oo, aradka ruugaaya
• Rab intan ku soo idhi waanigii, raacdo dheer galaye
•  
• Rashiid iyo Cigaal maalintii, mawdku kala reebay
• Rabiibkii Talyaaniga ka hadhay, raarta sare fuulye
• Rakada iyo salaankuu u baxay, kama ridaysaane
•  
• Sadddexbaa is raacaye halkii, lagu rasaaseeyay
• Rumaankii xabaalaha ka baxay, reer qudhaa cunaye
• Raqba waa rageedee shalay, waa ragragateene
• Riddo dhiigle wan kula jeclaa, raysna daba yaale
•  
• Riyo lala kacaa booday baan, raasamaal dhigine
• Waxaa ruubateen maalintaad, dad iska reebteene
• Majeerteen siduu rabay hadday, run u ahaan weyday
• Adaa raaf dilaacaye anigu, kuma ragaadsiine
•  
• Nin rakaday marbuu khaadunow, waran rideeyaaye
• Ruuxooy la qaadyeey anaad, rawga ii tumiye
• Ood igu ruxanaysaa inaan, soo rakaabsado e
• Hadaan kaaga roggi laa, adaa igaga riiq dheere
•  
• Haddaad raaxo joogtiyo haddaad, raran gubyoonayso
• Wali raxanki maad galin cagaha, nagu rogayseene
• Ruug-cadaadigaa haysta iyo, adiga riixaaya
• Hadba raarta kiinii gala, waysla ruga gayne
•  
• Raqda aarka hore kii dambuu, reenka maqashiine
• Kuruskuu rudhaayuu hadana, wax uga reebaaye
• Raxan baad ku cunaysaan hashaan, riiq walba u galaye
• Daarood cadkuu kala ritaa, waysla ruga gayne
  
   
• Raambaha haddii lagu turbo iyo, raani iyo baashe
• Hadba yeekahaad noogu rogtaan, waysla ruga gayne
•  
• Rucla orodka geelaba haddii, rag isku soo gaadho
• Qolo unbay riyadii laysku go'ay, libintu raacdaaye
• Caawa rayflkaa kula baxdaan waysla ruga gayne
•  
• Tan kalee cidlada raamsata ee, raaski laga daayay
• Raab-raabitaa raab-raabita, ruux ma weecatuye
• Raganimiyo xoolaba anaa, ugu radeebnaaye
• Rucbi baa iyana fuulay oo, laguma rayrayne
• Kol hadaanay ood iga rogayn, waysla ruga gayne
•  
• Reerkii aa kala daadiseen, muu rafaad bixine
• Rakaabada sidaa uga canteen, raysna degi waaye
• Sidii bay raraydu u baxdaa, roobna urin waaye
• Raaskaa yar ee maamuliyo, adiga rawraw leh
• hadba calankii kii rahmaa, waysla ruga gayne
•  
• Raajiya la caabuday sidii, sanabadii raace
• Rukumada kursiga loo hayaa, raaxo tamashleeye
• Waraabahaa rabayseen hadduu, cunayo ruuxiina
•  
• Rubadiina goortuu cunuu, ruugaga ka heensho
• Anna iiga rayn maayoo, raadkuu soo qabane
• Ridaan gees lahayn bay riyuhu, idaha raacshaane
• Ra'iyigaynu kala haysanaa, waysla ruga gayne
•  
• Mareexaankii raamaha lahaa, reer walba u taliye
• Waqtigoogiibaa roorayoo, iguma raagaane
• Rayd qaadan maayee anoo, raydabta Isaaq ah
• Maantaa rarada lay saarrayaa, waysla ruga gayne
•  
• Riyaad bay ka gooshaan hablihii, baanka loo raraye
• Riyaalkii Sucuudiga ayey, labba rogaayaane
• Rajadiyo agoontii lahayd, way racfaan gudane
• Idinkiyo bah raabaco dharyaha, waysku ridataane
•  
• Rati qalan Islaan idin martiyay, ricidh ma siisaane
• Riiq dheerahaad nagu disheen, ruuxa naga gooey
• Iidoor rag weeyoo mar uun, ways ka soo rogiye
• Abtiyaal maxaa naga rabtaan, ways rogrogataane

Gabayga 2aad

Jawaabtii Yuusuf Colaad ee 1aad

Jawaabtii Yuusuf Colaad ee 2aad

Jawaabtii Makayte