-
Dabkaan shidi dambaaburada bixi, dogobta qiiqaabi
-
Dawaarka iska rogi liifadiyo, feedhaha is daari
-
Dayaxa iyo Shamsada soo baxee, diiqa noqon doona
-
-
Deris iyo laftiba reerahaan, daadka xulin doono
-
Intaasi waa darroorine ma furin, daaqaddii weliye
-
Col la dumay halkiyo Ceel-Daraad, Doy ma laga
keenay
-
-
Digniintii habeen iyo dharaar, mayga demi weydey
-
Dawyada raggii layska raray, dawrar ma ahaatay
-
Ma daruurnay maadhiin degiyo, dananka gaashaanka
-
-
Dabka goortaan u cuskaday, dadab ma loo yaacay
-
Sidii culay waxuun duraya oo, daraf ka laynaysa
-
Daymada raggii naga firdhaday, duurka ma u leexday
-
-
Kuwii dhalashadaydii dafiray, dacar ma leefsiinnay
-
Caaqilo duleedkayga timid, daahir ma u qaatay
-
…
-
-
Raggu hadduu dureertada sariyo, duunka ka colloobo
-
Sow waxa dawada looga dhigay, dil iyo caydh ma aha
-
Sowtaan isugu kaa daree, kaa dibbiray ma aha
-
-
Dilku badaye reer Ciise Dhamal, daalac ma i raacay
-
Dayax dhacay Warfaa sow guryuhu, dulug madow ma aha
-
Sidii Dibi xareed soo cabboo, dooxadu u buuxdo
-
Xalay unbuu dinnaahyo ula yimid, duulal baaba'aye
-
Malaha Daahir iyo Faarax baa, dun u collowdeene
-
Ha ku digannin waa Qawdhanoow, degelladiinniiye
-
-
Hadduu gabaygu kaa daacad yahay, daawo gurigiinna
-
Kolkuu fuluhu dirirtii ka tegey, dalafku waa goore
-
Geelaan Dawaariyo ku furay, dixida Gaaroodi
-
Ee dilin-dilcoodkii nirgaha, dogobka loo seexshey
-
-
Ee aan baarqabkiisaan ku daray, doobta ku higgoodey
-
Een maraqa dabada ugu xidhay, qaalmihii dararay
-
Waa taa u diiddeen Gobdoon, dooggii soo baxaye
-
Car durreeya caawaba rag baa, deyr ku meersadaye
