|
Waa mar kale iyo taxenihii ahaa "Rag waa raggii hore, hadalna waa
intuu yidhi." Waxaan maanta soo qaadanaynaa in yar oo aan ka helnay
gabay uu tiriyey gabayaa la odhan jiray Khaliif-Aflow. Khaliif
degaankiisu wuxuu ahaa Doollo gaar ahaan ceelka Yucub, wuxuuna
gabaygan tiriyey xilli ku aadan 1977kii.
Waxaa fajiciso ku abuuray mixnadda iyo qalalaasaha Geeska Afrika ka
oogan: ciidan heegan ah, mid dagaal kasoo baxay, mid usii socda,
dhaawac la sii wado, fidho iyo uuro. Gawaadhi gaashaaman,
rooblaano iyo laba-lugood tuutaysan oo rayfalkiisii jeeniqaartay
ayaa aragiisa ku batay.
Dhalinyaro sandulle lagu laylyey dabadeed ciilkii iyo xoriyad
la’aantii la baday shacabka kula dhacay oo dad iyo duunyaba cagta
mariyey ayuu in badan dariiqyada iyo sabada ceelasha degaankiisii ku
arkay. Wuxuu arkay dhaqan aan horay degaankiisa looga aqoon oo
magaalooyinka iyo tuulooyinka ka muuqda. Waxaasoo qaxar ah ha arkee
wuxuu garan waayey raasamaalka kasoo socda maxaa yeelay wax
hanaan-siyaasadeedkii dhulka iska badalay ma jirin. Wuxuu haddaba
tiriyey gabay aan ka helay meerisyadan hoose. Wuxuu yidhi:
Kuubba
iyo Ruush iyo Amxaar, kaynta soo gale e
Kufriga iyo Islaamkuba dadkii, way kilkiliyeene
Keeniyo hoggaanbuu sitaa, kiin aan loo imane
Mid
waliba intuu kayn galuu, kaalay leeyahaye
Kaaraha cirkaa marayaan, kor u dayeynaaye
Kolkuu soo degana ciidda waa, lagu kexeeyaaye
Kobna
kama duleelaa la yidhi, wuuna ku arkaaye
Waa
waxaan xabadi kuu karayn, kaana orod dheere
Waa
xaajo kow ahoon la arag, maanta ka horow e!
Naaguhu kobtii lagu ogaa way, ka tegayaane
Kursi
bay u fuuleen qaxwaha, keen la leeyahaye
Kun
nin oo hareeraha fadhida,
kama xishoodaane
Kolkay gacanta kuu fidin la arag, kolanta naaskiiye
Waa
xaajo kow ahoon la arag, maanta ka horow e!
Geelaa kursaha weyn la waa, kob lagu maalaaye
Koobada in lagu qaybsadaa, kooros loo galaye
Waa
xaajo kow ahoon la arag, maanta ka horow e!
…
Soo raadi gabaygaa inta maqan
mail@doollo.com.
|